کۆمپلۆ ٢٢ سالن بەردەوام دکە

رێبەرێ گەلێ کورد ئەبدوڵاهـ ئۆجەلان کو ب کۆمپلۆیەکە ناڤنەتەوەیی د ١٥ێ سباتا ١٩٩٩ان دە
رادەستی ترکییەیێ هاتە کرن، کۆمپلۆیا کو ل سەر تێ جیبجیکرن، ئیرۆ ژی بەردەوام دکە.
برێز ئۆجەلان ئیدەئۆلۆژییێن هێزێن مۆدەرنیتەیا ئەمپەریالیست و کاپیتالیست کو جڤاکان پارچە دکە،
ئیفشا کرنە و پارادیگمایا خوە دییاری ئەردنیگارییا رۆژهلاتا ناڤین کرییە کو قادا ئاڤاکرنا
پەرگالا چەوساندنێ یا ڤان هێزانە. ل هەمبەر ڤێ دژدەرکەتن و پارادیگمایا ئازاد و وەکهەڤ،
هێزێن کو ب ترکییەیێ رە هەڤکاری کرن، ب کۆمپلۆیەکێ برێز ئۆجەلان ب فیزیکی دیل گرتنە و ئەڤ
دیلگرتن کرنە زەمینێ «رەواتی»یا بێهوقووقییێن کو ئیرۆ دقەومن.
ل گرتیگەها ئیمرالییێ کو ٢٢ سالن وەک «هەرێما لەشکەری یا قەدەخە» هاتییە راگهاندن، هەموو
نۆرمێن هوقووقێ، پەیمانێن ناڤنەتەوەیی تێنە بنپێکرن و تەجریدەکە متلەق تێ سەپاندن. مافێ
تەلەفۆنێ، مافێ هەڤدیتنێ ل گەل مالبات و پارێزەرێن خوە و مافێ دەستگهیشتن ب چاپەمەنی و
پەخشێ ژ دەست هاتنە گرتن و د شانەیەکە یەک-کەسی دە هاتییە تەجریدکرن. مافێ هەڤدیتنا ل گەل
پارێزەران کو بنگەهینترین مافێ گرتییانە، ب ئاوایەکی فیئیلی د ٢٧ێ تیرمەها ٢٠١١ان دە هاتییە
راوەستاندن. پشتی ٨ سالان جارا یەکەم د ٢یێ گولانا ٢٠١٩ان دە د ئەنجاما گرەڤێن برچیبوونێ دە
کارییە ٤ جارێن دن هەڤدیتنێ بکە و پاشێ هەڤدیتنا ل گەل پارێزەران ژ نوو ڤە هاتییە هلپەسارتن.
د ناڤ سالا ٢٠٢٠ان دە تەنێ دو جاران کرنە کو برێز ئۆجەلان ب تەلەفۆنێ ب مالباتا خوە رە
هەڤدیتنێ بکە، هەری داوی بەری نها ب ١٠ مەهان ل سەر گەفا پاندەمییێ د ٢٧ێ نیسانا ٢٠٢٠ان
دە ژێ خەبەر هاتییە وەرگرتن. راپۆرێن کو ژ هێلا جپتیێ ڤە هاتنە ئامادەکرن تەڤی کو د وان دە
ب جاران ئانینە زمان کو ئەڤ یەک مافەکی مرۆڤییە،نە جپتیێنە دممەیێنە هێزێن
ناڤنەتەوەیی تو موئەییدەیەک نەسەپاندنە ژ بۆ کو ئەڤ بێهوقووقی ژ هۆلێ رابە، چاڤپۆشی ل ڤێ
بێهوقووقییێ کرنە. بنگەهینترین قادا پەیورا جپتیێ پێشیگرتنە ل ئیشکەنجە و مامەلەیا
دەرمرۆڤی و روومەتشکێن. د دەمەکێ دە کو ئەڤ مامەلە هەموو ٢٢ سالن ل گراڤا ئیمرالییێ تێن
سەپاندن، ب ئاوایەکی ڤەکری بێدەنگمانا جپتیێ نیشان ددە کو باندۆرا هێزێن ناڤنەتەوەیی
هەیە و لی دژی گراڤا ئیمرالییێ ب ئاوایەکی جوداکار تەڤدگەرن. هەری داوی جپت د ١١-٢٥ێ چلەیا
٢٠٢١ان دە هاتە ترکییەیێ و بێیی کو سەردانا گراڤا ئیمرالییێ بکە ڤەگەرییا، ئەڤ یەک جارەکە دن
نیشان ددە کو ئەڤ دەستتێوەردان و کۆمپلۆیا ناڤنەتەوەیی بەردەوام دکە.
ب ڤێ کۆمپلۆیێ هەول تێ دایین کو رامانێن برێز ئۆجەلان نەگهیژن گەلان و دخوازن کو پێشی ل
ژییانەکە دەمۆکراتیک و ئازاد بگرن. تەکانە هنجەتا کو ناهێلن ب ئاوایەکی فیزیکی تەماس چێبە،
ئەڤ یەکە. پێکهاتنا پارادیگمایا دەمۆکراتیک-ئەکۆلۆژیک-ئازادیخواز ژ بۆ ژنان کو برێز ئۆجەلان
دەرخستییە مەیدانێ، هینا ژی مەزنترین ترسا سەردەستانە. لێ بەلێ تەڤی کو ب فیزیکی هاتبە
دیلگرتن ژی، هەر وەکو د شۆرەشا ژنانا ل رۆژاڤا دە و ئەردنیگارییا رۆژهلاتا ناڤین د سەری دە ل
گەلەک دەڤەرێن دنیایێ هەول تێ دایین کو ل دەردۆرا ڤێ پارادیگمایێ ژییان بێنە ئاڤاکرن. برێز 
ئۆجەلان ب ئیدەئۆلۆژییا خوە بوویە هێڤییا ژییانەکە ئازاد ژ بۆ ژن، جوان، باوەری و ناسنامەیێن
جودا.
ئیرۆ باوەری و داخوازا گرتییان کو ب گرەڤێن برچیبوونێ هەول ددن ڤێ تەجریدا متلەق هلوەشینن،
نیشانەیا ڤێ هێڤییێیە. تەڤی هەموو بێهوقووقی و بنپێکرنێن مافان، ئەڤ هێڤی و ئەو سۆزا ژییانەکە
ئازاد کو برێز ئۆجەلان ب رامانێن خوە ل با میلیۆنان مرۆڤان ئافراندییە، ئیرۆ د هەبوونا
هەزاران گرتییان دە کو ل دژی تەجریدێ ل بەر خوە ددن، ژ نوو ڤە خوە نیشان ددە.
کۆمپلۆیا کو ٢٢ سال بەری نها دەست پێ کرییە ئیرۆ ژی بەردەوام دکە، ئەم ب ڤێ هشمەندییێ خوەدی
ل هەموو داخوازێن گرتییان دەردکەڤن کو گرەڤێن برچیبوونێ ددۆمینن و ئەم دوبارە دکن کو
هەتا تەجرید نەیێ هلوەشاندن، ئازادی ژ گەلان رە نایێ. تەجریدا ئیمرالییێ وەک بێهوقووقی و
بنپێکرنا مافێن مرۆڤان دکن زەمینەکی رەوا ژ بۆ هەموو بێهوقووقییان کو تێن سەپاندن.
هەتا کو ئەڤ تەجرید نەیێ هلوەشاندن، ئەم نکارن بەهسا دەمۆکراسی و ئەدالەتێ بکن. ئەم نکارن
بەهسا چارەسەرییا مەسەلەیا کورد بکن.
بانگەوازییا مە ل هەموو هێزێن خوەجهی و ناڤنەتەوەیییە؛ ئیمرالی پەرگالەکە تەجریدا موتلەقە
و دەملدەست دڤێ وەرە راکرن.
د ٢٢ سالییا وێ دە ئەم جارەکە دن ڤێ کۆمپلۆیێ لەنەتبار دکن کو د شەخسێ برێز ئۆجەلان دە ل
هەموو گەلان فەرز دکن. ئەم دبێژن ئازادی ژ بۆ برێز ئۆجەلان و هەموو گرتییێن سییاسی!
تژا